Read on Twitter
طيب بما أنه فيه فتي كتير وقلش أحيانا على موضوع طريقة تحضير الشلولو وبما أنه أكلتي التراثية المفضلة أصلا فخلوني أقول لكم على كذا طريقة لتحضيره
أولا وحاجة مهمة كتير لازم الملوخية تكون ناشفة ومتكرمة كويس وبتتكرم في طبق الأول بإنك بتنقي العود منها وبعد كدة بتكرمها في غربال سلك رفيع جدا وممكن بديل لها المصفاية السلك
ثانيا ضرس ثوم محترم بيتقشر وبما أننا في موسم الثوم فالثوم دلوقتي رائع وجميل جدا وسهل التقشير الضرس دا لعمل حلة صغيرة اللي هي ثلاث إلى أربع أطباق دي
الثوم بيتدق في الهون مش بيتفرم ليه على شان زيوته تطلع وبيتدق مع ملعقة كبيرة ملح ومعاهم نص ملعقة كسبرة ناشفة مطحونة وممكن صحنها في الهون أولا قبل حط الثوم والملح وبنحط معاهم مقدار الشطة حسب الرغبة أنا بحط قرنين شطة سوداني مع الكسبرة وأنا بصحنها
هنا بقى فيه طريقتين الأولى تشويح الثوم بمعلقة سمنة بلدي في الحلة واحنا بنطفي على الثومة بعد تحميرها بننزل المياه عليها على شان صوت الطشة مقدار الملوخية للحلة دي بيكون طبق واحد وسط بعد حط المياه بنعصر ليمونتين ويفضل يكون ليمون شعير الكبير الموجود حاليا بعد عصر الليمون بننزل
بالملوخية الناشفة ونسيبها دقيقة قبل التقليب على شان الملوخية تطرى شوية الطريقة الثانية يبقى كل ما سبق على بعضه ني في ني بدون تسخين خالص وبتقدم مع عيش شمسي أو بتاو للناس اللي تقدر عليه وتعرف تعمله
آاه فيه تركاية كدة بتتعمل وهي إضافة ربع ملعقة صغيرة عصير طماطم لاللي يحب ودي حاجة بتبقى عظيمة حتى لو عملت ملوخية خضراء بس بتشوحها مع الثومة في الملوخية العادية
أخيرا الشلولو في العادة مبيتحطش معاه بصل خالص خصوصا الأيام دي لأن بصل الخزين حاليا بيكون أخضر وبيكون حراق جدا وريحته نفاذة عن نفسي مبحطش بصل فيه لأن طريقة الشلولو الأصلي بدون بصل من الأساس
