"لو الكل مثليين البشرية راح تنتهي"
الإنجاب هو قرار للمرأة والمرأة فقط. اذا امراة بعلاقة مع رجل وقررت ما تجيب ولاد هي حرة. اذا هي بعلاقة مع امراة وبتقدرش تجيب ولاد هي حرة. اذا بدهاش تدخل بعلاقة وتنجب ولاد هي حرة.
الإنجاب ما الو علاقة بالمثلية. الإنجاب هو قرار خاص بالنساء.

"حتى الحيوانات ما بتمارس المثلية الجنسية"
مممم متاكد؟

"اذا المثلية مقبولة ليش البيدوفيليا مش مقبولة؟"
مش فاهمة العلاقة بين الاثنين.
اذا الجنس بين رجل وامراة بالغين مقبول هل الجنس بين رجل وطفلة مقبول؟ لا.
نفس الشي بين رجلين بالغين ورجل وطفل.
الجنس بين شخصين بالغين موافقين وعاقلين مش اغتصاب.
الجنس بين طفل/ة ورجل/ امراة بالغ/ة اغتصاب.

"اذا المثلية مقبولة ليش الجنس مع انسان وحيوان مش مقبول؟"
لانه الفرق بين الجنس والاغتصاب هو الموافقة.
الرجل يا دوب يفهم لما المراة تعطيه موافقة، بدك تقنعني انك فاهم موافقة الحيوان؟ https://abs.twimg.com/emoji/v2/... draggable="false" alt="🤦🏽‍♀️" title="Frau schlägt sich die Hand vors Gesicht (mittlerer Hautton)" aria-label="Emoji: Frau schlägt sich die Hand vors Gesicht (mittlerer Hautton)">
وعقل الحيوان اشبه لعقل الطفل.
باختصار الجنس بين الانسان والحيوان اغتصاب!

"المثلية حرام"
انت حر تعيش حسب معتقدات وايمان معينين. بس لا تجبر غيرك عليهم.
لا تمارس العلاقات المثلية. عيش حسب دينك ومعتقداتك. محداش مانعك.
وتذكر دينك هو دستورك انت مش دستور لباقي البشر.

"اذا مثليين تبنو أولاد راح يطلعو مثليين"
اغلب المثليين تربو بعيلة فيها ام واب. ميول الوالدين ما بحدد ميول الأطفال.
وحتى لو مشينا على منطقكم. اذا طلعو الأولاد مثليين وين المشكلة؟
تخيل حدا يمنعك تربى ولد عشان ما يطلع مؤمن متلك؟ او حدا يمنعني أربي ولد عشان ما يطلع نباتي متلي؟

"بس انا بقرف"
انا اسفة اصدمك بس شعورك بالقرف هو مش المعيار الي بحدد حياة الناس الجنسية او العاطفية او الجندرية.
شعورك بالقرف احتفظ فيه لنفسك. لانه مش منطقي ناس تحرم من حقوقها الأساسية فقط لانك "بتشعر بالقرف".